Kwentong Barbero

Nung bata pa ako, ang sabi ng ermat ang unang gumupit sa akin ay ang lolo ko. Sabi niya ayaw daw ng loloski na kulot ang buhok ko, kulot kasi ako nung bata parang noodles lang at sa pamilya nila sa side ng ermats maninipis ang kanilang buhok kaya naman adik lang ang loloski kahit wala pa akong isang taon kinalbo ako. Nagbunga naman ang kanyang kalukuhan, naging tuwid nga ang buhok ko pero masyado namang makapal. Singkapal ng walis tambo ang strand at never na humaba sdyang kumakapal lang siya ng bonggang-bonga parang afrong di kulot lang.

Matapos kalbuhin ng lolo, di na nagtiwala ang mga magulang ko sa kredibilidad ng kanyang pagupit, matagal daw bago humaba ulit buhok ko charo pero yun nga lang di na manipis kundi makapal na. Kaya naman si erpats nalang ang umako ng panggugupit sa akin. Dalawa lang ang fashion trend ni erpats when it comes to buhok kung di ako nagiging pari eh may bunot naman ako sa ulo. Minsan din tumatagilid yung hairstyle ko kung medyo palyado ang gilid at minsan naman may mga butas ang buhok ko, how cool is that di ba.

At dahil nga matalahib ang buhok ko pinamahayan ito ng maraming-maraming-maraming kuto, so eiw right, kaya naman pagsyesta time ginagawa nila akong kabilang sa kanilang past time habang di pa sila nakatorno sa break game. Kaya naisip narin ni erpats na gawin ang kabaliwan nila ni loloski ang kalbuhin ako. Nawala nga lahat ng alaga ko pero nawalan narin ako ng tiwala sa kanya.


This time si ermats nanaman to the rescue, inerefer niya ako sa aming kapitbahay na sabi niya barbero daw. Pero sa tingin ko ako lang naman ang ginugupitan nun, sampong piso sa isang gupitan ang nagmumukha na akong punks. Customized palagi ang pagkakagupit sa akin, kung ano ang trip ng kapitbahay namin eh yun din ang hairstyle ko. Kaya naman napakasaklap ang paglisan naming dalawa dahil nung naggrade six na ako di na pwede ang customized punk, kailangan naka 2 by 3 daw at nakamalas dun eh lahat ng style alam ng kapitbahay namin pero ang barber's cut o di niya alam, my gosh the irony.

Pero ngayon gusto ko atang maiksi lang ang buhok ko, bagay daw kasi sa mga bilogang ulo, lalo daw akong gumagwapo, hahaha at yes po nagpapauto ako palagi. Di din naman kasi bagay sa akin ang pahabain ang buhok ko dahil di naman ito humahaba kahit gustuhin ko man, kakapal pa ka mo. Kaya nga napag-isip-isip ko mas ok pa palang parang bunot yung hirstyle ko dati kaysa parang pugad lang ng ibon o minsan kaya parang bagong gising lang kahit anong suklay nag-uumiglas.

Di akin yan, Di rin ako yan